Plantamos leitugas!!!

O último día de clase, antes das vacacións de Semana Santa, acercámonos ata o horto a plantar unhas leitugas que, por suposto, estarán moi moi sabrosas. 

Visita Charo Pita

 O venres tivemos a sorte de contar coa visita de Charo Pita, prestixiosa escritora, actriz e contacontos galega; a cal ensinounos diversas técnicas de lectura, pronunciación e dramatización, entre outros contidos.

Dende o centro queremos agradecer a súa visita polo seu gran trato e polo ben que o pasamos con ela!!

Mural de Rosalía de Castro

 Como xa sabedes, o pasado día 24 de febreiro celebramos o día adicado á autora Rosalía de Castro. Así pois, todo o centro colaborou na creación dun mural conxunto, con diversas imaxes  vinculadas á obra de Rosalía.

Aquí podedes ver a parte que pintou o alumnado de 6ºde Primaria.

Horto Escolar

 Esta semana as alumnas e os alumnos de 6º de Primaria foron a visitar a súa parceliña do horto e, por suposto, traballaron moi duro. Estamos desexando volver para seguir aprendendo a coidalo!!

Visita Ponte...nas Ondas!

 No día de hoxe, o alumnado de 5º e 6º de Primaria tivo a sorte de realizar unhas actividades moi especiais, todas elas relacionadas coa visita dos nosos amigos da Asociación Cultural e Pedagóxica Ponte...nas Ondas! 

 Así pois, recibimos formación sobre educación vocal, tratando conceptos como a vocalización, respiración diafragmática,proxección da voz, entoación ou lectura avanzada, entre outros moitos. Ademais, levamos a cabo as nosas propias emisións radiofónicas.

 Aquí tedes unhas fotos desta xornada tan interesante.